OS RAPACES DO COLEXIO MARISTAS DE LUGO VISITARON A CIDADE DA CORUÑA.

Por Sara Corredoira

O PASADO LUNS OS CATIVOS DO COLEXIO LUCENSE REALIZARON UNHA SAÍDA A VARIOS CENTROS CULTURAIS DA CIDADE HERCULINA.

Os rapaces e rapazas que este ano cursan primeiro da ESO no colexio Maristas de Lugo, pasaron o día na cidade coruñesa.

Na primeira parada gozaron do fondo mariño no Acuario, onde puideron aprender moitas cousas novas sobre peixes coma as quenllas ou o peixe-sapo. Así como ver unha das maiores marabillas deste lugar, unha quenlla de case tres metros.

Aínda que para moitos dos cativos  o ellor foi a Domus ou Casa do Home, un

museo no que os rapaces puideron manexar todo tipo de actividades relacionadas coas tecnoloxías de hoxe en día.

Chegaba a hora do xantar, a Domus ofreceulles cobixo e comedor durante pouco máis de media hora. Aínda que para pouco lles deu a hora de xantar, xa que rapidamente tiveron que voltar ao autocar para emprender unha nova viaxe, esta vez ao Planetario.

Varios pisos cheos de moitos, moitos aparellos deixaron confusos a algúns rapaciños, que parece ser que non tiñan a suficiente idade como para entender tódalas actividades.    No Planetario puideron aprender a mirar ao ceo, as estrelas e os nomes das constelacións máis importantes.

Pouco antes do esperado os mozos chegaron á cidade de Lugo, onde os seus pais agardaban con entusiasmo por eles.