Volve o Nadal,
outra vez as panxoliñas
veñen o noso corazón alegrar,
imos todos a celebrar
este fermoso Nadal.
A neve está caendo,
aí fóra no inhóspito lugar,
pero agora chega o neno Deus
que nos vén a traer o benestar,
a ventura e o calor familiar.
Xuntos comezamos a cantar
o himno da nova amizade,
sentíndonos todos en unidade,
para así poder camiñar
neste branco e fermoso Nadal.
Terémonos que arrexuntar
para esta data festexar
e tódolos pobos do mundo
este nacemento corear
con festas agasallos e mimos.
Mergullarémonos na solidariedade,
no doce amor e na amizade
xa que estas festas nos animan
a ser mellores cada día,
fuxindo para sempre da soidade.
Sintámonos coma nenos,
demos brincos,
bailemos e coreemos,
gozemos dos amigos
porque somos afortunados!
Ningún comentario:
Publicar un comentario