Bocata Solidario. Semana da Prensa

Por Iria de Francisco Rubinos

Xornada colectiva co fin de recadar bens

Lugo,24 de Marzo do 2012

Os alumnos do colexio Maristas de Lugo realizaron unha xornada colectiva o Sábado 24 co fin de recadar bens para que unha escola puidera contar con autobuses e axudar así aos nenos que teñen que acudir a ela percorrendo moitos quilómetros.

Nesta xornada poden participar todos os alumnos/as, pais, nais e mestres dos Maristas.

Esta actividade contou con xogos como ping pong, frontón; con deportes como fútbol e baloncesto e para os especialistas realizouse un concurso de triples. Ademais de todas estas actividades tamén houbo xogos da Wii como o just dance ao que Laura Reija afirmou que era moi entretido xa que lle gusta moito bailar.

Por se fora pouco había un bingo-pongo no que calquera podía participar e recibir premios que outras persoas non querían e os doaron. Laura Sánchez di: “non lle mires o dente”.

O que máis lle gustou a todos estes rapaces foi poder tirarlle globos cheos de auga aos seus mestres, o que moitos aproveitaron coma unha vinganza por darlles unha mala nota.

E para repoñer forzas despois dunha longa xornada todos os nenos contaron cun bocadillo de chourizo ou salchichón, unha botella de auga e unha onza de chocolate.

Pola tarde todo continuou ata as seis menos cuarto aproximadamente, logo os rapaces abandonaron o patio do colexio ata o próximo luns.